Willem Postma Primêr

Welkom by

Willem Postma Primêr

Die kaalvoetskool waar Christenskap geleef word

WELKOM IN
POSSIELAND

Baie welkom by Willem Postma Primêr se webblad.

Ons is ‘n gemengde primêre skool met bykans 1 100 leerders vanaf graad R tot graad 7. Die skool is geleë in Dan Pienaar, ‘n noordelike woonbuurt van Bloemfontein.

Die skool kan in een sin beskryf word as “Die kaalvoetskool waar Christenskap geleef word.” Ons opvoedkundige uitgangspunt is gebalanseerde kinders, eerder as oordrewe spesialisasie. Dit is ons strewe om aan elke leerder so veel moontlik geleenthede tot groei en ontwikkeling te bied.

Skakels

ONS WAARDES

Willem Postma Primêr is geanker in sewe kernwaardes: omgee, betroubaarheid, respek, verantwoordelikheid, regverdigheid, burgerskap en geloof.

Hierdie waardes vorm die grondslag van ons skoolkultuur en lei ons in die opvoeding en ontwikkeling van elke leerder, sodat hulle nie net akademies presteer nie, maar ook as etiese en verantwoordelike burgers die gemeenskap dien.

LEWE IS DIENS

AKADEMIE

Ons is trots op ons uitmuntende akademiese prestasies en ons is gevestig as ‘n top akademiese laerskool. Met uitstekende geriewe en toegewyde onderwysers, word elke leerder se potensiaal maksimaal ontsluit. Die Remediërende Onderrig-departement help leerders met leerhindernisse en Prisma@Possies ondersteun kinders op die outismespektrum.

LEIERSKAP

Willem Postma fokus op die vorming van sterk leiers wat akademies uitblink en ‘n positiewe impak op hul gemeenskappe het. Ons bied geleenthede en hulpbronne om leerders se leierskapspotensiaal te ontsluit, selfvertroue te bou en verantwoordelikheid aan te moedig. Ons streef daarna om ‘n omgewing te skep waar leerders hul volle potensiaal kan bereik en ‘n verskil kan maak in die wêreld rondom hulle.

SPORT

Of jy hou van rugby, netbal, hokkie, swem, atletiek, skaak, krieket, tennis, landloop of tweekamp, ons is gereed om saam met jou te ontwikkel en pret te hê.

KULTUUR

Possies presteer jaarliks uitstekend in koor, drama, redenaars en revue en ontvang talle toekennings. Ons trots sluit ook ons eie Voortrekker-kommando in.

U kind is in goeie hande

Ons skool se toegewyde en dinamiese onderwysers bevorder ‘n omgewing van leer en groei met hul kennis, diverse onderrigstyle en passie vir hul vakke. Hulle werk saam om hul onderrigmetodes te verbeter en neem aktief deel aan buitemuurse aktiwiteite en gemeenskapsgeleenthede om afgeronde, selfversekerde leerders te koester.