Willem Postma Primêre Skool

Kleredrag

Alles wat jy nodig het om 'n possie te wees

"Welkom by Willem Postma Primêr. Ons dra ons kleredrag met respek en trots."

Verskaffers

U kan skool- en sportdrag aankoop by een van die volgende verskaffers.

Voorkoms

Leerders moet voldoen aan die volgende reëls met betrekking tot fisiese voorkoms:

Leerders moet te alle tye netheid en ‘n skoon voorkoms handhaaf. In die besonder moet gesigte en hande skoon wees en vinger- en toonnaels kort geknip en skoon wees.

Skoolklere leer kinders die belangrikheid daarvan om hul skool met waardigheid te verteenwoordig.

Dogters

Hare moet vasgemaak word sodra dit oor die kraag hang.
Hare mag nie gekleur word nie.
Kuiwe moet vasgemaak word wanneer dit lank en in die gesig of voor die oë hang.
Oorkrabbetjies word tot die goud- en silwer knoppietipe of klein oorringetjies (deursnit 1 cm) sonder hangende variasies daarvan beperk.
Slegs een krabbetjie per oor word toegelaat.
Rokke moet die voorgestelde lengte wees, tussen 10 cm en 13 cm van die grond af as die dogter op haar knieë staan.
Juwele mag nie gedra word nie, behalwe horlosies en die voorgeskrewe oorkrabbetjies.
Slegs rooi, navy en wit linte, haarbolletjies en plastiese- of materiaalkopbande word toegelaat.
Geen grimering mag skool toe gedra word nie. Dit sluit naelpolitoer en vals of gel-naels op vinger- of toonnaels in.

Seuns

Hare moet kort en netjies gedra word. Geen gel word toegelaat nie.
Hare mag nie gekleur word nie.
Die gedeelte om die ore moet skoon geknip wees. Hare mag nie aan die ore raak wanneer die hare regaf gekam word nie.
Wanneer die hare afgekam word, mag dit nie aan die wenkbroue raak nie.
Wangbaard (sideburns) mag tot by die middel van die oor strek.
Hare moet altyd reëlmatig opgesny word.
Geen vreemde of modegier-haarstyle word toegelaat nie.
Haarstyle wat onder uitgeskeer of -geknip word, oftewel “undercuts”, is verbode.
Geen oorkrabbetjies of ander juwele mag gedra word nie behalwe horlosies.

Formele Somersdrag

Dogters

Rooi-en-wit blokkiesrokke
Rooi ski-pant
Kort wit sokkies
Swart skoolskoene
Blou Willem Postma-trui (langmou of mouloos)
Skoolbaadjie

Seuns

Grys kortbroek
Wit hemp wat tot bo toeknoop
Lang grys Willem Postma-skoolkouse
Swart skoolskoene
Blou Willem Postma-trui (langmou of mouloos)
Skoolbaadjie en rooi das

Dogters & SEUNS

Hierdie drag, met die skoolbaadjie, is verpligtend vir:

Saalopeninge (elke Maandag) en eerste skooldag van elke kwartaal
Kooroptredes, redenaars en kunswedstryde
GF- en SP-prysuitdelings
Diensgroepleiers, hoofleiers
Amptelike skooluitstappies of waar ‘n leerder as ambassadeur vir die skool moet optree

Ander – soos deur die kantoor aangekondig

Slegs pennings/balkies wat deur die skool toegeken is, mag aan die linkerlapel van die skoolbaadjie aangebring word, bv.:

Vier hoofleiers, koorleier/leidster en mediasentrumleiers
Redakteur en redaksiespan
Voortrekkers se hoofspanleier/leidster

Tydens formele funksies moet beide die knope van die skoolbaadjie toegeknoop wees. GEEN skoolbaadjie mag sonder skoolskoene gedra word nie.

Informele Somersdrag

Dinsdag tot Vrydag

Leerders mag in die somer kaalvoet loop. Geen plakkies of ander skoene mag saam met skooldrag gedra word nie.

Wanneer die skoolbaadjie gedra word, is skoolskoene verpligtend.

Dogters

Rooi-en-wit blokkiesrokke
Rooi ski-pant
Kort wit sokkies
Swart skoolskoene
Blou Willem Postma-trui (langmou of mouloos) en/of skoolbaadjie

Seuns

Grys kortbroek met grys kortmouhemp
Lang grys Willem Postma-skoolkouse
Swart skoolskoene
Blou Willem Postma-trui (langmou of mouloos) en/of skoolbaadjie

Formele Wintersdrag

Dogters

Blou Willem Postma-skoolrok (met swart sykouse of lang grys Willem Postma-skoolkouse)
Blou Willem Postma-langbroek (met grys kouse)
Wit langmouhemp wat tot bo toeknoop
Swart skoolskoene
Blou Willem Postma-trui (langmou of mouloos)
Skoolbaadjie en rooi das

Seuns

Grys langbroek (met grys kouse)
Wit langmouhemp wat tot bo toeknoop
Lang grys Willem Postma-skoolkouse
Swart skoolskoene
Blou Willem Postma-trui (langmou of mouloos)
Skoolbaadjie en rooi das

Informele Wintersdrag

Dinsdag tot Vrydag

Leerders mag ook rooi handskoene, musse en serpe skool toe dra. Let asseblief daarop dat geen musse tydens klastyd gedra mag word nie.

Dogters

Blou Willem Postma-skoolrok (met swart sykouse of lang grys Willem Postma-skoolkouse)
Blou Willem Postma-langbroek (met grys kouse)
Wit langmouhemp wat tot bo toeknoop
Rooi das
Swart skoolskoene
Blou Willem Postma-trui (langmou of mouloos) en/of skoolbaadjie